1 сакавіка 2025 года ў 14:00 у Нацыянальным цэнтры мастацкай творчасці дзяцей і моладзі ансамбль народнага танца «Скавыш» праводзіць старадаўні абрад «Чырачка», якому ў 2016 годзе прысвоены статус нематэрыяльнай гісторыка-культурнай каштоўнасці Рэспублікі Беларусь. Радзімай абраду «Чырачка» з’яўляецца вёска Тонеж Лельчыцкага раёна Гомельскай вобласці.
Праграма свята вельмі разнастайная. Госці мерапрыемства змогуць паўдзельнічаць у майстар-класе па вырабе традыцыйных гліняных птушак-свісцёлак, паслухаць абрадавыя песні «Ой, чырачко», «Гу, вэсна!», «Раве бугай у поле» і інш., пагуляць у народныя гульні «Грушка», «Яшчур», «Орынка» ды пакагародзіць. Акрамя таго, арганізатары мерапрыемства плануюць пачаставаць гасцей спецыяльным абрадавым печывам з «чарнічным» вочкам.
Да ўдзелу ў мерапрыемстве запрашаюцца ўсе жадаючыя, каб пазнаёміцца з культурнымі традыцыямі нашай краіны і нашых продкаў.
Паводле сайта Нацыянальнага цэнтра мастацкай творчасці дзяцей і моладзі
16, Korolya Street, Minsk, 220004