«Наша сярэдняя школа № 90 знаходзіцца на вуліцы Чкалава ў Мінску, таму для нас гэтая вуліца самая родная і любімая. Па ёй мы гулялі ў дзяцінстве, па ёй шпацыруем кожны дзень і сёння. Былы Койданаўскі тракт, вуліца мае надзвычай цікавую гісторыю, выдзяляецца запамінальнымі будынкамі і помнікамі, утульнымі зялёнымі дварамі. І ўсё гэта – наша „малая радзіма“», – пішуць аўтары віртуальнай фотазамалёўкі Карына Сяргееўна Корцелева і Лізавета Аляксандраўна Цімончык.