Институт

Падрабязнасці: Катэгорыя: Институт; Апублікавана 05 Красавік 2023

1. Навукова-метадычная ўстанова «Нацыянальны інстытут адукацыі» Міністэрства адукацыі Рэспублікі Беларусь (далей – Інстытут) надае асаблівую ўвагу абароне персанальных дадзеных пры іх апрацоўцы ў нашай установе і з павагай ставіцца да захавання правоў суб'ектаў персанальных дадзеных.

Зацвярджэнне Палажэння аб палітыцы адносна апрацоўкі персанальных дадзеных (далей – Палітыка) з'яўляецца адной з прымаемых Інстытутам мер па абароне персанальных дадзеных, прадугледжаных артыкулам 17 Закона Рэспублікі Беларусь ад 7 мая 2021 г. № 99-З «Аб абароне персанальных дадзеных» (далей – Закон).

Палітыка тлумачыць суб'ектам персанальных дадзеных, як і з якой мэтай іх персанальныя дадзеныя збіраюцца, выкарыстоўваюцца або іншым чынам апрацоўваюцца, а таксама адлюстроўвае наяўныя ў сувязі з гэтым у суб'ектаў персанальных дадзеных правы і механізм іх рэалізацыі.

Палітыка не прымяняецца да апрацоўкі персанальных дадзеных у працэсе працоўнай дзейнасці і пры ажыццяўленні адміністрацыйных працэдур (у дачыненні да работнікаў і былых работнікаў), а таксама карыстальнікаў інтэрнэт-сайта (у частцы cookie-файлаў).

Паштовы адрас Інстытута:
220004, Рэспубліка Беларусь, г. Мінск, вул. Караля, 16;
адрас у сетцы Інтэрнэт: www.adu.by;
e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

2. Інстытут ажыццяўляе апрацоўку персанальных дадзеных з наступнымі мэтамі:

ажыццяўленне і выкананне функцый, паўнамоцтваў і абавязкаў, ускладзеных на Інстытут заканадаўствам Рэспублікі Беларусь і міжнароднымі дамовамі Рэспублікі Беларусь, Міністэрствам адукацыі Рэспублікі Беларусь;
разгляд зваротаў, у тым ліку ўнесеных у кнігу заўваг і прапаноў;
папярэдні запіс на асабісты прыём;
правядзенне «прамых тэлефонных ліній»;
арганізацыя аказання платных паслуг;
рэалізацыя дыстанцыйных, вочных, вочна-дыстанцыйных мерапрыемстваў;
заключэнне і выкананне грамадзянска-прававых дагавораў;
забеспячэнне прапускнога рэжыму;
апрацоўка інфармацыі (рэзюмэ) кандыдатаў на працаўладкаванне;
афармленне працоўных (службовых) адносін;
вядзенне воінскага ўліку;
вядзенне бухгалтарскага ўліку;
ажыццяўленне архіўнага захоўвання дакументаў;
рэалізацыя норм заканадаўства аб барацьбе з карупцыяй;
вядзенне індывідуальнага (персаніфікаванага) уліку звестак аб застрахаваных асобах для мэт дзяржаўнага сацыяльнага страхавання, у тым ліку прафесійнага пенсійнага страхавання;
ажыццяўленне прыёму і залічэння асоб для засваення адукацыйных праграм навукова-арыентаванай адукацыі;
ажыццяўленне адукацыйнай дзейнасці, прадугледжанай статутам Інстытута;
фарміраванне банка дадзеных нацыянальных экспертаў у сферы дашкольнай, агульнай сярэдняй і спецыяльнай адукацыі (рэцэнзентаў, экспертаў па вопытнай праверцы і інш.) для выканання функцый і задач, ускладзеных заснавальнікам;
фарміраванне банка дадзеных аўтараў (аўтарскіх калектываў) вучэбных выданняў;
заключэнне з суб'ектамі персанальных дадзеных любых відаў дагавораў і іх наступнага выканання;
выяўленне канфлікту інтарэсаў.

3. Персанальныя дадзеныя апрацоўваюцца выключна для дасягнення адной або некалькіх названых законных мэт. Калі персанальныя дадзеныя былі сабраны і апрацоўваюцца для дасягнення вызначанай мэты, для выкарыстання гэтых дадзеных з іншымі мэтамі неабходна паставіць у вядомасць аб гэтым суб'екта персанальных дадзеных і ў выпадку неабходнасці атрымаць новую згоду на апрацоўку.

4. Персанальныя дадзеныя могуць быць таксама выкарыстаны Інстытутам з навуковымі або іншымі даследчымі мэтамі пасля абавязковага абязлічвання такіх персанальных дадзеных, у прыватнасці:

для падрыхтоўкі і публікацыі штогадовых справаздач аб сваёй дзейнасці;

для падрыхтоўкі і дачы растлумачэнняў па пытаннях прымянення заканадаўства аб персанальных дадзеных;

для падрыхтоўкі і ажыццяўлення публікацый і выступленняў, звязаных з выкананнем работнікамі Інстытута сваіх службовых абавязкаў.

5. Інстытут ажыццяўляе апрацоўку толькі тых персанальных дадзеных, якія неабходны для выканання заяўленых мэт і не дапускае іх залішняй апрацоўкі.

6. Інстытут не ажыццяўляе перадачу персанальных дадзеных трэцім асобам, за выключэннем выпадкаў, прадугледжаных заканадаўчымі актамі.

7. Суб'ект персанальных дадзеных мае права:

7.1. На адкліканне сваёй згоды праз падачу заявы ў Інстытут, у тым ліку ў форме, праз якую атрымана яго згода.

Інстытут абавязаны ў пятнаццацідзённы тэрмін пасля атрымання заявы суб'екта персанальных дадзеных у адпаведнасці з яго зместам спыніць апрацоўку персанальных дадзеных, ажыццявіць іх выдаленне і паведаміць пра гэта суб'екту персанальных дадзеных, калі адсутнічаюць іншыя падставы для такіх дзеянняў з персанальнымі дадзенымі, прадугледжаныя Законам № 99-З і іншымі заканадаўчымі актамі.

Пры адсутнасці тэхнічнай магчымасці выдалення персанальных дадзеных Інстытут абавязаны прыняць меры па недапушчэнні далейшай апрацоўкі персанальных дадзеных, у тым ліку іх блакіраванне, і паведаміць пра гэта суб'екту персанальных дадзеных у той жа тэрмін;

7.2. На атрыманне інфармацыі адносна апрацоўкі сваіх персанальных дадзеных, якая змяшчае:

месца знаходжання Інстытута;
пацвярджэнне факта апрацоўкі Інстытутам персанальных дадзеных асобы, якая звярнулася;
яго персанальныя дадзеныя і крыніца іх атрымання;
прававыя падставы і мэты апрацоўкі персанальных дадзеных;
тэрмін, на які дадзена яго згода (калі апрацоўка персанальных дадзеных ажыццяўляецца на падставе згоды);
найменне і месца знаходжання ўпаўнаважанай асобы (упаўнаважаных асоб);
іншую інфармацыю, прадугледжаную заканадаўствам;

7.3. Патрабаваць ад Інстытута ўнясення змен у свае персанальныя дадзеныя ў выпадку, калі персанальныя дадзеныя з'яўляюцца няпоўнымі, устарэлымі або недакладнымі. З гэтай мэтай суб'ект персанальных дадзеных дадае адпаведныя дакументы і (або) іх завераныя ва ўстаноўленым парадку копіі, якія пацвярджаюць неабходнасць унясення змен у персанальныя дадзеныя;

7.4. Атрымаць інфармацыю аб прадастаўленні сваіх персанальных дадзеных, апрацаваных Інстытутам, трэцім асобам. Такое права можа быць рэалізавана адзін раз на каляндарны год, а прадастаўленне адпаведнай інфармацыі ажыццяўляецца бясплатна;

7.5. Патрабаваць спынення апрацоўкі сваіх персанальных дадзеных, уключаючы іх выдаленне, пры адсутнасці падстаў для апрацоўкі персанальных дадзеных, прадугледжаных Законам і іншымі заканадаўчымі актамі;

7.6. Абскардзіць дзеянні (бяздзеянне) і рашэнні Інстытута, якія парушаюць яго правы пры апрацоўцы персанальных дадзеных, у судзе ў парадку, устаноўленым грамадзянскім працэсуальным заканадаўствам.

8. Для рэалізацыі сваіх правоў, звязаных з апрацоўкай персанальных дадзеных Інстытутам, суб'ект персанальных дадзеных падае заяву ў пісьмовай форме або ў выглядзе электроннага дакумента (а ў выпадку рэалізацыі права на адкліканне згоды – таксама ў форме, у якой такая згода была атрымана) адпаведна па паштовы адрас або адрас у сетцы Інтэрнэт, указаныя ў частцы пятай пункта 1 гэтай Палітыкі. Такая заява павінна змяшчаць:

прозвішча, уласнае імя, імя па бацьку (калі такое ёсць) суб'екта персанальных дадзеных, адрас яго месца жыхарства (месца знаходжання);
дату нараджэння суб'екта персанальных дадзеных;
выклад сутнасці патрабаванняў суб'екта персанальных дадзеных;
ідэнтыфікацыйны нумар суб'екта персанальных дадзеных, пры адсутнасці такога нумара – нумар дакумента, які сведчыць асобу суб'екта персанальных дадзеных, у выпадках, калі гэта інфармацыя ўказвалася суб'ектам персанальных дадзеных пры дачы сваёй згоды або апрацоўка персанальных дадзеных ажыццяўляецца без згоды суб'екта персанальных дадзеных;
асабісты подпіс (для заявы ў пісьмовай форме) або электронны лічбавы подпіс (для заявы ў выглядзе электроннага дакумента) суб'екта персанальных дадзеных.

9. Па садзейнічанне ў рэалізацыі правоў суб'ект персанальных дадзеных можа таксама звярнуцца да асобы, адказнай за ажыццяўленне ўнутранага кантролю за апрацоўкай персанальных дадзеных у Інстытуце, накіраваўшы паведамленне на электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Падрабязнасці: Катэгорыя: Институт; Апублікавана 14 Чэрвень 2016

Нацыянальны адукацыйны партал – гэта сучасны інфармацыйна-адукацыйны рэсурс, які:

- створаны для забеспячэння комплекснай (інфармацыйнай, навукова- і вучэбна-метадычнай, кансультацыйнай) падтрымкі ўсіх удзельнікаў адукацыйнага працэсу на ўзроўнях дашкольнай, агульнай сярэдняй, спецыяльнай адукацыі;

- накіраваны на стварэнне ўмоў для шматвектарнай камунікацыі педагогаў, вучняў, іх законных прадстаўнікоў, а таксама спецыялістаў органаў кіравання адукацыяй, сістэмы дадатковай адукацыі дарослых, прадстаўнікоў грамадскасці і інш.;

- закліканы даць роўны доступ да якасных адукацыйных паслуг.

Нацыянальны адукацыйны партал – адкрыты інструмент назапашвання і выкарыстання навуковай, навукова- і вучэбна-метадычнай, практыка-арыентаванай і іншай інфармацыі, неабходнай для арганізацыі адукацыйнага працэсу і кіравання ім ва ўстановах адукацыі. Асноўнымі прынцыпамі яго стварэння і развіцця з’яўляюцца:

- дэмакратычнасць і калегіяльнасць (раўнапраўны ўдзел усіх суб’ектаў адукацыйнага працэсу ў падрыхтоўцы, абмеркаванні і выкарыстанні праграмнага і метадычнага забеспячэння, прадстаўленага на партале; аб’яднанне намаганняў усіх зацікаўленых бакоў для стварэння і развіцця сеткавай педагагічнай супольнасці на аснове актыўнага выкарыстання сучасных камунікацыйных тэхналогій);

- цэнтралізаванасць і сістэмнасць (у частцы назапашвання, адбору, экспертнай ацэнкі адукацыйных рэсурсаў; падрыхтоўкі кантэнту для размяшчэння на партале; перыядычнасці і аператыўнасці абнаўлення матэрыялаў ва ўсіх раздзелах / сегментах партала);

- інфарматыўнасць і інавацыйнасць (у тым ліку рэалізацыя сучасных тэхналогій навучання; арыентаванасць на дыялагічны тып камунікацыі; пастаянны зварот да высокатэхналагічных рэсурсаў і сродках навучання, інструментаў камунікацыі і г.д.);

- адкрытасць (свабодны, але аўтарызаваны доступ да ўсіх відах рэсурсаў партала);

- зручнасць навігацыі і дружалюбнасць інфармацыйнага асяроддзя;

- бесперапыннасць маніторынгу функцыянавання партала.

Нацыянальны адукацыйны партал – эфектыўны сродак фарміравання іміджу дашкольнай, агульнай сярэдняй і спецыяльнай адукацыі Рэспублікі Беларусь.

Падрабязнасці: Катэгорыя: Институт; Апублікавана 14 Май 2016

вул. Караля, 16, 220004, г. Мінск
тэлефон прыёмнай: +375 17 200-59-09
факс (прыёмная): +375 17 200-56-35
e-mail (прыёмная): Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Графік працы:
панядзелак-пятніца: 08:45–17:30
абед: 13:00–13:45

Кіраўніцтва інстытута

Дырэктар	Дні і час прыёму
Гінчук Валянціна Васільеўна, дырэктар Нацыянальнага інстытута адукацыі, кандыдат педагагічных навук тэл.: +375 17 200-59-09	Другая серада месяца 8:00–14:00
Памочнік дырэктара
Абражэй Аксана Данілаўна тэл.: +375 17 200-59-09	Штодзённа 8:45–17:30
Намеснікі дырэктара інстытута
Зелянко Вольга Уладзіміраўна, намеснік дырэктара інстытута па навукова-даследчай рабоце, доктар педагагічных навук, дацэнт тэл.: +375 17 229-19-37	Трэці чацвер месяца 8:00–14:00
Раманоўская Людміла Анатольеўна, намеснік дырэктара інстытута па метадычнай рабоце тел.: + 375 17 351-87-68	Другі чацвер месяца 8:00–14:00
Кудраўцава Святлана Анатольеўна, намеснік дырэктара інстытута па рэдакцыйна- выдавецкай рабоце тэл.: +375 17 229-19-54	Чацвёрты аўторак месяца 08:00–14:00
Вашкевіч Святлана Сцяпанаўна, намеснік дырэктара інстытута па прававой рабоце тэл.: +375 17 229-19-92	Трэцяя серада месяца 8:00–14:00
Дзямешка Святлана Міхайлаўна, намеснік дырэктара інстытута па адмінастрацыйна-гаспадарчай рабоце тэл.: +375 17 374-02-26	Першы аўторак месяца 8:00–14:00

Навукова-метадычная падтрымка партала
Юсцінская Гюльнара Мансураўна, адказны сакратар партала, начальнік упраўлення дыстанцыйных адукацыйных паслуг, кандыдат педагагічных навук тэл.: +375 17 358-63-91 e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.	Штодзённа 9:00–17:30

Харэвіч Ірына Людвікаўна, начальнік упраўлення інфармацыйных адукацыйных тэхналогій тэл.: +375 17 200-82-03 тэл.: +375 17 229-19-41 e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.	Штодзённа 9:00–17:30
Тэхнічная падтрымка партала
Бадзюля Аляксандр Паўлавіч, інжынер-праграміст тэл.: +375 17 318-42-71	Штодзённа 8:45–17:30

Схема праезду:

Падкатэгорыі