9 снежня 2025 года на 20-й сесіі Міжурадавага камітэта па ахове нематэрыяльнай культурнай спадчыны ЮНЕСКА ў Нью-Дэлі было вырашана афіцыйна ўключыць  неглюбскую тэкстыльную традыцыю Веткаўскага раёна Гомельскай вобласці ў Рэпрэзентатыўны спіс нематэрыяльнай культурнай спадчыны чалавецтва.

Гэта традыцыя, якая з’явілася ў XVII стагоддзі, лічыцца адной з найбольш самабытных з’яў беларускай народнай культуры. Яна аб’ядноўвае старажытныя тэхнікі ткацтва і вышыўкі, якія прымяняюцца пры стварэнні ручнікоў, адзення і прадметаў інтэр’еру.

Асаблівую вядомасць атрымалі неглюбскія ручнікі – візітоўка Веткаўскага раёна. Традыцыйна такія ручнікі выконваюцца ў бела-чырвона-чорнай гаме, акрамя таго, маюць складаную поліхрамію (да 25 адценняў у адным вырабе). На вырабах – звыш за 120 узораў, самым старым з якіх больш за тысячу гадоў.

Ручнікі з даўніх гадоў суправаджаюць увесь жыццёвы цыкл чалавека. Ва ўзорах зашыфраваны пажаданні ўладальніку: дабра, кахання, дабрабыту, поспеху, ураджаю, здаровых нашчадкаў і многія іншыя. Аздабляюцца ручнікі арнаментамі, пераважаюць сярод якіх геаметрычныя і раслінныя – «крывулі», «кучараўка», «павукі», «мядзведзь на жалудах», «рэдзька», «яблынька», «кап’ё».

Неглюбская тэкстыльная традыцыя па-ранейшаму перадаецца з пакалення ў пакаленне: мясцовыя майстры працягваюць ствараць тэкстыль уручную і навучаюць гэтаму дзяцей і моладзь. Дзякуючы такой пераемнасці старажытныя практыкі захоўваюцца і развіваюцца.

З уключэннем неглюбскай тэкстыльнай традыцыі ў Спісе нематэрыяльнай культурнай спадчыны ЮНЕСКА налічваюць сем беларускіх элементаў.

Па матэрыялах Міністэрства культуры Беларусі і адкрытых крыніц БЕЛТА падрыхтавала тэматычную інфаграфіку.

Для даведкі: Сёння ў Cпіс нематэрыяльнай культурнай спадчыны ЮНЕСКА ўключаны: абрад «Калядныя цары» (2009), Будслаўскі фэст (2018), абрад «Юраўскі карагод» (2019), культура бортніцтва (2020), саломапляценне (2022), выцінанка (2024), неглюбская тэкстыльная традыцыя (2025).

Падрыхтавана па матэрыялах БЕЛТА

4 декабря 2025 года в Национальной библиотеке Беларуси распахнуло двери новое пространство для юных читателей – детский читальный зал. Открытие состоялось в предновогодний период, что придало событию особую атмосферу: декабрь традиционно ассоциируется с ожиданием чуда, а книга, как напомнили организаторы, остается одним из самых теплых и символичных подарков.

Зіма ў нашай краіне заўсёды атаясамліваецца з цяплом і багатымі пачастункамі, а ў гэтым годзе яна стане сапраўдным святам смачных традыцый і адкрыццяў. Нацыянальнае агенцтва па турызме аб’явіла снежань у Беларусі месяцам гастранамічнага турызму. Гэта выдатная магчымасць бліжэй пазнаёміцца з гісторыяй нацыянальнай кухні, паспрабаваць аўтэнтычныя стравы і адкрыць для сябе сучасныя гастранамічныя тэндэнцыі.

Неад’емная частка гастратурызму – знаёмства з мясцовай вытворчасцю. Па ўсёй краіне працуюць фермы, сыраварні, бровары, дзе госці могуць убачыць працэс падрыхтоўкі прадуктаў і паспрабаваць іх адразу на месцы. А гастранамічныя фестывалі даўно сталі візітнай карткай рэгіёнаў: брэсцкае свята «Лунінецкія клубніцы», гродзенскі «Сырны фестываль», сямейнае свята «Бацькава булка» ў Свіслачы, «Вішнёвы фестываль» у Глыбокім і многія іншыя.

На працягу гастранамічнага снежня гасцей чакае насычаная праграма: прэзентацыі фермерскай экапрадукцыі на «Чароўным млыне», прадстаўленне гастранамічнага патэнцыялу Беларусі на выставе «Інтурмаркет. Зіма» і ўзнагароджанне пераможцаў конкурсу «Пазнай Беларусь – 2025». Таксама плануецца адкрыццё рэзідэнцыі Дзеда Мароза-Траскуна (Верхнядзвінскі раён), тэатралізаваныя праграмы, майстар-класы па нацыянальнай кухні.

Беларуская кухня – гэта частка культурнага кода, адлюстраванне характару народа, яго гасціннасці і беражлівых адносін да традыцый. Хрумсткія дранікі, сытная верашчака, духмяная бабка, густая мачанка, бульбяныя клёцкі – кожная страва распавядае сваю гісторыю. Асаблівы гонар – натуральныя прадукты і спосабы прыгатавання, якія перадаюцца з пакалення ў пакаленне.

Сёння нацыянальная кухня смела развіваецца: кухары эксперыментуюць з рэцэптамі продкаў, ствараюць аўтарскія стравы, пераасэнсоўваюць знаёмыя спалучэнні. У Мінску і іншых буйных гарадах з’яўляецца ўсё больш сучасных рэстаранаў і street-food пляцовак, дзе беларуская кухня атрымлівае новае прачытанне.

Для тых, хто хоча больш паглыбіцца ў свет беларускай кухні, на афіцыйным турыстычным партале belarus.travel сабрана інфармацыя пра ўстановы і аграсядзібы, дзе можна пакаштаваць рэдкія стравы, недаступныя ў звычайных рэстаранах.

Абвяшчаючы снежань месяцам гастранамічнага турызму, Беларусь нагадвае: наша кухня – гэта багацце, якое хочацца адкрываць зноў і зноў. Няхай гэты снежань стане самым смачным месяцам у годзе.

Падрыхтавана па матэрыялах БЕЛТА